Jagororin biyu sun hadu ne yayin halartar babban taron daura auren diyar tsohon Gomnan Bauchi Alh. Adamu Mu'azu.
Atiku da Osibanjo sun gaisa cikin girmamawa da kuma fara'a a fuskar kowannensu kai kace babu adawar siyasa tsakaninsu.
Bayan sun gaisa sunyi tattaunawa gajeruwa kafinnan kowa ya zauna a wurinda aka tanadar masa.
Yadda haduwarsu da girmama juna da sukyi yasa mutanen dake wurin suka dau farinciki da ganin abin burgewa sukayi .
To dama dai masanan siyasa sun ce ba'a makiyi ko masoyi na dindin din a siyasa.
Wannan ya ragewa talakawa suma suyi taka tsantsan wajen siyasa kuma su girmana raayin kowa babu tsangwama don mutum yayi nasa raayin. Babu fada babu bakar magana haduwa a rumfar zabe kowa ya zabi gwaninsa shine mafita kuma hanyar samun siyasa mai kyau da tsafta a Nigeria.
